+16 °C, +16 °C ... +27 °C Վաղը`+26 °C
«Առողջ հանրություն» հասարակական կազմակերպության նախագահ, Երևանի ավագանու նախկին անդամ Մարինա Խաչատրյանի կողմից օրեր առաջ արված հայտարարությունը, թե Գյումրու տնակներում ապրողներն իրենց երեխաներին վաճառում են թուրքերին, իրականությանը չի համապատասխանում: ՇՄ դատախազության տեղեկատվության համաձայն, քաղաքացի Մարինա Խաչատրյանի հայտարարությունն անհիմն է: Վերջինս ևս ոստիկաններին տեղեկացրել է, որ ինքը չունի որևէ փաստ. այն, ինչի մասին խոսել է ասուլիսի ժամանակ, շրջանառվող խոսակցությունների մակարդակում է եղել: Նշենք, որ հայտարարությունից անմիջապես հետո, նոյեմբերի 11-ին, ՇՄ դատախազ Կարեն Գաբրիելյանը ՀԺ-ի հետ զրույցում ասել էր, որ ասուլիսից վերցված այդ հատվածն ուղարկվել է ոստիկանության Շիրակի մարզային վարչության ԺՊ-ին, հանձնարարվել ձեռնարկել ստուգողական օպերատիվ- հետախուզական գործողություններ՝ նյութում առկա տեղեկատվության իսկությունը պարզելու կամ հերքելու ուղղությամբ: Այսօր արդեն հստակ է, որ փաստական որեւէ ապացույց ձեռք չի բերվել: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am