+23 °C, +14 °C ... +25 °C Վաղը`+28 °C
Գերմանիայի դատախազությունը և քրեական ոստիկանությունը գործ են հարուցել Սկրիպալների գործին ներգրավված Գլխավոր հետախուզական վարչության (ԳՀՎ) երկու ռուս աշխատակիցների դեմ, գրում է Spiegel պարբերականը։ «Նորերը» անվանումը կրող գործի հետաքննությունից ապացույցներ են ձեռք բերվել առ այն, որ ՌԴ Գլխավոր հետախուզական վարչության ենթադրյալ աշխատակիցները, ովքեր հայտնի են Ալեքսանդր Պետրով և Ռուսլան Բոշիրով անուններով, 2014-ին 3 օր են անցկացրել Ֆրանկֆուրտի ծայրամասում: Ըստ Spiegel-ի և Bellingcat կայքի հետաքննության՝ հավանական է, որ ԳՀՎ-ի գաղտնի «29155 բաժանմունքի» հրամանատարը կապեր ունի հաստատած Գերմանիայում: Նա, բացի Սկրիպալների թունավորման փորձից, կապված է նաև Եվրոպայում այլ հանցագործությունների հետ: Բեռլինում չեչեն դաշտային նախկին հրամանատար Զելիմխան Խանգոշվիլիի սպանության գործի քննության հետքերը նույնպես տանում են դեպի Ռուսաստանի Պաշտպանության նախարարություն: Հիշեցնենք, որ 2018-ի մարտի 4-ին ռուսական հետախուզության նախկին աշխատակից և ՌԴ-ում Մեծ Բրիտանիայի օգտին լրտեսման համար դատապարտված Սերգեյ Սկրիպալն ու նրա դուստրը՝ Յուլյան անգիտակից վիճակում հայտնաբերվել էին բրիտանական Սոլսբերի առևտրի կենտրոնի մոտակայքում գտնվող նստարանին: Պաշտոնական Լոնդոնը պնդում է, որ հարձակման հետևում կանգնած է Մոսկվան: Ռուսական կողմը հերքում է մեղադրանքը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am