Mamul.am
Ամբողջական տարբերակ
USD 479.61, EUR 533.71, RUB 7.81, GBP 626.18
-5 °C, -7 °C ... +1 °C Վաղը`+2 °C
Hay / Հայ | Рус | Eng | Tür
Գերմանիայի դատախազությունը և քրեական ոստիկանությունը գործ են հարուցել Սկրիպալների գործին ներգրավված ԳՀՎ-ի աշխատակիցների դեմ
12:20, 07.12.2019

Գերմանիայի դատախազությունը և քրեական ոստիկանությունը գործ են հարուցել Սկրիպալների գործին ներգրավված Գլխավոր հետախուզական վարչության (ԳՀՎ) երկու ռուս աշխատակիցների դեմ, գրում է Spiegel պարբերականը։

«Նորերը» անվանումը կրող գործի հետաքննությունից ապացույցներ են ձեռք բերվել առ այն, որ ՌԴ Գլխավոր հետախուզական վարչության ենթադրյալ աշխատակիցները, ովքեր հայտնի են Ալեքսանդր Պետրով և Ռուսլան Բոշիրով անուններով, 2014-ին 3 օր են անցկացրել Ֆրանկֆուրտի ծայրամասում:

Ըստ Spiegel-ի և Bellingcat կայքի հետաքննության՝ հավանական է, որ ԳՀՎ-ի գաղտնի «29155 բաժանմունքի» հրամանատարը կապեր ունի հաստատած Գերմանիայում: Նա, բացի Սկրիպալների թունավորման փորձից, կապված է նաև Եվրոպայում այլ հանցագործությունների հետ:

Բեռլինում չեչեն դաշտային նախկին հրամանատար Զելիմխան Խանգոշվիլիի սպանության գործի քննության հետքերը նույնպես տանում են դեպի Ռուսաստանի Պաշտպանության նախարարություն:

Հիշեցնենք, որ 2018-ի մարտի 4-ին ռուսական հետախուզության նախկին աշխատակից և ՌԴ-ում Մեծ Բրիտանիայի օգտին լրտեսման համար դատապարտված Սերգեյ Սկրիպալն ու նրա դուստրը՝ Յուլյան անգիտակից վիճակում հայտնաբերվել էին բրիտանական Սոլսբերի առևտրի կենտրոնի մոտակայքում գտնվող նստարանին: Պաշտոնական Լոնդոնը պնդում է, որ հարձակման հետևում կանգնած է Մոսկվան: Ռուսական կողմը հերքում է մեղադրանքը:

Տեղեկացրե՛ք Ձեր մտերիմներին
| |
դեպի վեր