Mamul.am
Ամբողջական տարբերակ
USD 479.61, EUR 533.71, RUB 7.81, GBP 626.18
0 °C, -7 °C ... +1 °C Վաղը`+1 °C
Hay / Հայ | Рус | Eng | Tür
2021-ին Apple-ը ծրագրում է թողարկել iPhone առանց լիցքավորման բնիկի
16:40, 07.12.2019

Ամերիկյան Apple ընկերությունը նախատեսում է 2021 թվականի երկրորդ կեսին թողարկել iPhone սմարթֆոնի նոր մոդելը՝ առանց Lightning լիցքավորման բնիկի: Այն օգտագործվում է 2012 թվականից արտադրված մոդելներում: Այս մասին հայտնում է ТАСС գործակալությունը՝ վկայակոչելով MacRumors կայքը։

Հեղինակավոր ինսայդեր Մին-Չի Կուոնը հայտարարել է, որ Apple-ը նախատեսում է 2021 թվականի առաջին կեսին թողարկել ավելի հասանելի արժեքով սմարթֆոն, որը կկոչվի iPhone SE 2 Plus: Այն իրենից կներկայացնի ամբողջական վահանակ՝ կազմված էկրանից, բայց չի ունենա Face ID` դեմքի սքանավորման եռաչափ համակարգը: Միևնույն ժամանակ, Touch ID-ի մատնահետքերի ճանաչման համակարգը կարող է ինտեգրվել սմարթֆոնի միացման կոճակին:

Apple-ը 2020 թվականին նախատեսում է թողարկել iPhone-ի հինգ նոր մոդել, որոնք կկրեն iPhone SE 2 անվանումը։ Մոդելը կունենա 4,7 դյույմանոց LCD էկրան, A13 չիպ, 3 գիգաբայթ RAM և Touch ID-ով Home ֆիզիկական կոճակ: Սմարթֆոնը հետևի հատվածում կունենա մեկ տեսախցիկ։

Տեղեկացրե՛ք Ձեր մտերիմներին
| |
դեպի վեր