+25 °C, +14 °C ... +25 °C Վաղը`+28 °C
2020թ. հունվարից կսկսվեն գազի տարանցիկ մատակարարումները Հունաստան և Հյուսիսային Մակեդոնիա՝ «Թուրքական հոսք» խողովակաշարով: Ըստ ՏԱՍՍ-ի` այդ մասին հայտնել է «Բուլղարտրանսգազ» ընկերության տնօրեն Վլադիմիր Մալինովը: Նա ասել է նաև, որ Բուլղարիան գազի մատակարարմանը պատրաստ կլինի արդեն դեկտեմբերի 15-ից, իսկ Թուրքիան՝ դեկտեմբերի 20-ից: Գազատարի «Բալկանյան հոսք»՝ մինչև Սերբիայի սահման հատվածի շինարարությունը կավարտվի 2020թ. մայիսի վերջին: Հիշեցնենք, որ նախորդ շաբաթ ՌԴ նախագահ Վ.Պուտինը մեղադրել էր Բուլղարիային՝ խողովակաշարի շինարարությունը միտումնավոր ձգձգելու մեջ: ՌԴ ղեկավարն ասել էր, թե Բուլղարիան գազի տարանացիկ փոխանցման համար եկամուտներ ստանալու ցանկություն չունի, ապա Ռուսաստանն այլ հնարավորություններ կփնտրի: Դրան Բուլղարիայի վարչապետ Բոյկո Բորիսովն ասել էր, թե ձգձումը պայմանավորված է պարտադիր գործընթացների հետ: Ըստ նրա՝ Բուլղարիան պետք է դառնա գլխավոր բաշխիչ կենտրոնը Բալկաններում: Նշենք, որ «Թուրքական հոսք» խողովակաշարի պաշտոնական գործարկումը նախատեսված է 2020թ. հունվարի 8-ին: Խողովակաշարի մի հոսքով գազ կմատակարարվի դեպի Թուրքիա, մյուսով ՝ դեպի Հարավային և Հարավ-Արևելյան Եվրոպա: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am