+12 °C, +12 °C ... +27 °C Վաղը`+28 °C
Դեկտեմբերի 14-ին Խաչատրյանի միջազգային 7-րդ փառատոնը կմեկնարկի Հայաստանի պետական սիմֆոնիկ նվագախմբի և աշխարհահռչակ ջութակահար‚ «Գրեմմի» մրցանակի կրկնակի դափնեկիր Մաքսիմ Վենգերովի համատեղ ելույթով։ «Ես ուրախ եմ‚ որ ինձ հնարավորություն է ընձեռվել համագործակցել Հայաստանի պետական սիմֆոնիկ նվագախմբի հետ Խաչատրյանի միջազգային փառատոնի շրջանակում։ Դեկտեմբերի 14-ին կկայանա մեր համերգն այդ հիանալի կոլեկտիվի և մաեստրո Սերգեյ Սմբատյանի հետ։ Ուրախ եմ նաև 2019-2020թթ. համերգաշրջանում լինել Հայաստանի պետական սիմֆոնիկ նվագախմբի հրավիրյալ արտիստը»‚- իր տեսաուղերձում ասում է երաժիշտը։ Նշենք‚ որ 2020թ. հունվարի 8-21-ը Հայաստանի պետական սիմֆոնիկ նվագախումբը և Մաքսիմ Վենգերովը Մշակույթի աջակցության եվրոպական հիմնադրամի աջակցությամբ կմեկնեն եվրոպական համերգային շրջագայությունների։ Վենգերովի համոզմունքն է, որ երաժշտությունը համամարդկային շփման և փոխըմբռնման կատարյալ լեզու է: Եվ հայ երաժշտասերները դեկտեմբերի 14-ին Երևանում հնարավորություն ունեն շփվելու Վենգերովի արվեստի հետ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am