«Պատկերացնենք մի իրավիճակ, երբ ՍԴ 9 դատավորից 7-ը վաղ կենսաթոշակի են գնում, և ստեղծվում է սահմանադրական ճգնաժամ: Այսինքն՝ ՍԴ կեղծ ճգնաժամի պատրվակով գնում ենք իրակա՞ն ճգնաժամի: Դա՞ է ճանապարհը, որով ուզում ենք գնալ». դեկտեմբերի 10-ի նիստում արդարադատության նախարար Ռուստան Բադասյանին նման հարցադրում ներկայացրեց ԲՀԿ-ից Շաքե Իսայանը՝ «Սահմանադրական դատարանի մասին» սահմանադրական օրենքում լրացում կատարելու նախագծերի փաթեթի քննարկման ժամանակ: Նախարարը նախ նշեց, որ համամիտ չէ, որ ՍԴ-ում այժմ կեղծ ճգնաժամ է, ճգնաժամն իրական է, ապա նշեց, որ օրինագծի փաթեթում այդ կարգավորումն առկա է:

«Եթե վաղ կենսաթոշակի անցնելու պատրվակով հրաժարականի դիմում է ներկայացնում ավելի քան 3 դատավոր, ապա ՍԴ դատավորի թափուր տեղի համար ընտրությունն անցկացվում է թափուր տեղի համար թեկնածուների առաջադրման ժամկետը լրանալուց հետո 15-օրյա ժամկետում»: