«Այո, մենք թանկ ենք վճարում, համաձայն եմ, որովհետև յուրաքանչյուր մարդ իր սխալների համար թանկ է վճարում: Այո, մեր օրոք չի եղել այդ սխալը, բայց մեր պետականության համար սխալը մենք ստիպված վճարելու ենք: Կգտնե՞ք մի երկիր, որտեղ ՍԴ դատավորները գրեթե ցմահ են պաշտոնավարում». դեկտեմբերի 10-ին ԱԺ նիստում պատասխանելով ընդդիմադիրների գնահատականներին՝ ասաց «Իմ քայլը» խմբակցության պատգամավոր Նազելի Բաղդասարյանը: Նա չհամաձայնեց այն դիտարկմանը, թե ՍԴ ճգնաժամը կեղծ է և նշեց, որ ՍԴ հարցը կապված է երկրում ցանկացած խնդրի հետ: Սահմանադրականության խնդիրն իշխանության համար առաջնային է: «Սա ոչ թե անձերի պայքար է, այլ պետական ինստիտուտի: Եվ պետական որևէ ինստիտուտ մենք անառիկ բերդ չենք համարում»,- պնդեց իշխանական պատգամավորը: |