Փաստաբան Ալեքսանդր Սիրունյանը, ով ներկայացնում է ռուսական ընկերության շահերը, հայտարարել է, որ դատարանի որոշմամբ ռուսական ORSIS («Պրոմտեխնոլոգիա») զենք արտադրող ընկերությունը դուրս է եկել Հայաստանի մատակարարների «սև ցուցակից»: «Երևանի ընդհանուր իրավասության դատարանը բավարարեց մեր հայցը և կասեցրեց Հայաստանի ֆինանսների նախարարության որոշումը` ընդդեմ ORSIS-ի, նաև հանեց «սև ցուցակից», որը հնարավորություն չէր տալիս մասնակցել պետական գնումներին»,- հայտարարել է Ալեքսանդր Սիրունյանը, գրում է RIA Novosti գործակալությունը: |