Եթե Վաշինգթոնն Անկարայի դեմ պատժամիջոցներ սահմանի, ապա Թուրքիան պատասխան միջոցներ կձեռնարկի: Այդ մասին հայտարարել է Թուրքիայի արտաքին գործերի նախարար Մևլութ Չավուշօղլուն, հայտնում է Anadolu գործակալությունը: «ԱՄՆ Կոնգրեսի անդամները պետք է հասկանան, որ Անկարային չեն կարող պարտադրել ուրիշի կամքը։ Մենք կիրագործենք ամենավատ սցենարը և որոշում կկայացնենք: Եթե ԱՄՆ-ը Թուրքիայի դեմ պատժամիջոցներ սահմանի, ապա օրակարգում կհայտնվի «Ինջիրլիք» և «Քյուրեջիք» ռազմակայանների փակման հարցը»,- ասել է Թուրքիայի արտգործնախարար Մևլութ Չավուշօղլուն: |