Միացյալ Նահանգները «զինված հարձակում» է կատարել Սիրիայի տարածքների վրա՝ նավթահանքերը գրավելու համար, իսկ Վաշինգթոնը վաճառում է Սիրիայից գողացված նավթը։ Այս մասին ՄԱԿ-ում հայտարարել է Սիրիայի մշտական ներկայացուցիչ Բաշար Ջաաֆարին, գրում է Интерфакс գործակալությունը: Բաշար Ջաաֆարին հավելել է, որ Սիրիան զավթած ամերիկացիները Թուրքիային են վաճառում գողացված ռեսուրսները և կառավարում «թալանը»: Ըստ Ջաաֆարիի՝ Սիրիան դարձել է ԱՄՆ-ի և արևմտյան այլ երկրների հաշիվներն իր մրցակիցների հետ լուծելու հարթակ: Միևնույն ժամանակ, սիրիացի դիվանագետը նշել է քաղաքական գործընթացի կարևորությունը, «քանի որ այլ ելք չկա»՝ Սիրիայում իրավիճակը լուծելու համար: |