Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Ադրբեջանական մամուլն այլևս անտանելի է դառնում իր ստահոդ լուրերով, որոնք ոչ այլ ինչ են, եթե ոչ սեփական հասարակությանը մոլորեցնելու փորձ: Ամեն ինչ անում են, որպեսզի սեփական հասարակությանը ներկայացնեն, թե որքան թույլ է հայկական բանակը, որքան խոցելի: Ամեն օր պատմում են հայկական բանակի «անհաջողությունների, բանակում տիրող անառողջ մթնոլորտի, ինքնակամ զորամասերը լքելու փորձերի, վատ վիճակում գտնվող զինտեխնիկային, փոխադրամիջոցների» և այլնի մասին: Այս տեսակ բոլոր նյութերի վերջում որպես կանոն գրված է. «Մենք մի հարվածով հետ կբերեք Ղարաբաղը»: Այսինքն, սեփական հասարակությանը հրամցնում են հայկական բանակի թույլ լինելու մասին միֆերը, որպեսզի բարձրացնեն ռազմատենչ ոգին ու հենց պահը գա բոլորը գնան կռվի՝ հույսով, որ հաղթելու են հայկական «թույլ» բանակին:
Սա գալիս է ապացուցելու մի բան, որ Ադրբեջանը ամեն պահի պատրաստվում է հարցը լուծել բացառապես ռազմական ճանապարհով»: