Կինոռեժիսոր Տիգրան Խզմալյանը ֆեյսբուքյան իր էջում գրել է. «Հիշո՞ւմ եք, որ մեկ տարի առաջ այս օրերին Հայաստանը ցնցվեց Գյումրիում ևս մեկ սպանությամբ․․․: Դեկտեմբերի սկզբին ռուս զինծառայող Ռազգիլդյաևը վաղ առավոտյան հարձակվեց և դաժանաբար ծեծելով սպանեց փողոցն ավլող 50-ամյա հայ կնոջը՝ Ջուլիետա Ղուկասյանին։ Մենք դա հիշո՞ւմ ենք, թե՞ արդեն մոռացանք, ինչպես մոռացանք Ավետիսյանների ընտանիքի անմեղ զոհերին։ Ի՞նչ կարգավիճակում է այսօր մարդասպանի գործը, ո՞վ է քննում սպանությունը, որտե՞ղ է գտնվում մեղադրյալը։ ՀՀ դատախազությունը, իրավապահները, իրավապաշտպանները բան չունե՞ն ասելու մեկ տարի անց։ Թե՞ լռում են, որ հանկարծ «չքաղաքականացնեն»․․․»: |