Թուրքիայի արտգործնախարար Մևլութ Չավուշօղլուն ԱՄՆ Սենատի բանաձևն անվանել է «քաղաքական շոու»: Twitter-ի իր էջում նա գրել է․ «Սենատի բանաձևը ոչ այլ ինչ է, քան քաղաքական շոու: Դա իրավական որևէ ուժ չունի»: Չավուշօղլուի օրինակին հետևել է նաև Թուրքիայի նախագահի մամուլի խոսնակ Իբրահիմ Քալընը: Նա գրառում է կատարել Twitter-ում՝ նշելով, որ «և՛ քաղաքական, և՛ ռազմական, և՛ տնտեսական ոլորտներում ԱՄՆ Սենատի որոշումը չի կարող ազդեցություն ունենալ Թուրքիայի վրա»: |