Բրյուսելում կայացած գագաթնաժողովի ընթացքում ԵՄ երկրների առաջնորդները որոշում են կայացրել ևս 6 ամսով երկարաձգել Ռուսաստանի նկատմամբ պատժամիջոցները, գրում է ТАСС գործակալությունը: Գործող պատժամիջոցների ժամկետն ավարտվում էր 2020 թվականի հունվարի 31-ին: ԱՄՆ-ը, ԵՄ երկրները և Ուկրաինան տնտեսական պատժամիջոցներ են սահմանել Մոսկվայի նկատմամբ 2014 թվականին, երբ Ղրիմը, հանրաքվեի արդյունքում, դարձավ Ռուսաստանի մի մասը: Սկզբում պատժամիջոցները կապված էին Ղրիմի բռնակցման հետ, այնուհետև՝ Դոնբասում առկա հակամարտության: Ի պատասխան՝ Մոսկվան պատժամիջոցներ սահմանեց ԵՄ երկրներից սննդի ներկրման համար: |