«Ես այն ժամանակ արտասահմանում էի գտնվում, երբ ինձ ասացին, որ ֆեդերացիայից ինչ-որ փաստաթղթեր են ուզում՝ իմ՝ ֆեդերացիայի նախագահ եղած ժամանակ շինարարական գործունեության հետ կապված: 6-րդ վարչությունը չունի այն հնարավորությունը, որ շինարարական այդպիսի ծավալով կարողանա այդքան կարճ ժամանակահատվածում ոչ միայն ստուգել, այլ նաև ինչ-որ յուրացման թիվ հայտնաբերել և դրանից հետո դատավորի կարգավիճակ ընդունել և հայտարարել, որ ես հափշտակել եմ»,-168 TV-ի եթերում ասել է ՀՖՖ նախկին նախագահ Ռուբեն Հայրապետյանը՝ հավելելով, որ չի բացառում, որ ինչ-որ սխալներ եղած լինեն, բայց իրավապահ մարմնի ներկայացրած ծավալներին դրանք չեն հասնում:

Նրա խոսքով՝ շինաշխատանքների ծավալն այնքան մեծ է, որ իրավապահներն ի վիճակի չէին այդ ժանակահատվածում ամբողջը ստուգել. «Հետևությունը այն է, որ շատ արագ վերևից հրամանը ստացել են՝ արագ չեզոքացնել ինձ, քանի որ դեկտեմբերի 23-ին ֆեդերացիայի նախագահի ընտրությունն է»,-ասել է Հայրապետյանը:

Մանրամասները՝ տեսանյութում: