Չեչնիայի ղեկավար Ռամզան Կադիրովը բուժման կուրս է անցնում, հայտարարել է նրա մամուլի խոսնակ Ալվի Քարիմովը։ «Նա բուժում է անցնում: Սրանում որևէ արտառոց բան չկա. Ռամզան Ախմատովիչն աշխատում է առանց արձակուրդի և հանգստյան օրերի»,- հայտարարել է Քարիմովը։ Այլ մանրամասներ խոսնակը չի նշել: Նախօրեին Կադիրովը, «ժամանակավոր անաշխատունակության» պատճառով իր լիազորությունները փոխանցել է կառավարության ղեկավար Մուսլիմ Խուչիևին։ Քարիմովը նշել է, որ Չեչնիայի Սահմանադրությունը նախատեսում է կառավարության ներկայացուցչին ղեկավարի պարտականությունների փոխանցումը: |