ԱՄՆ-ն և Չինաստանը ստորագրել են առևտրային համաձայնագրի առաջին մասը։ Փաստաթղթի ստորագրման արարողությունը տեղի է ունեցել Սպիտակ տանը, այն նաև հեռարձակվել է Սպիտակ տան ֆեյսբուքյան էջում, գրում է Regnum գործակալությունը:
Առևտրային համաձայնագրի փաստաթուղթը ստորագրվել է ԱՄՆ նախագահ Դոնալդ Թրամփի և ՉԺՀ պետխորհրդի փոխվարչապետ Լի Հյուի կողմից։
Այսպիսով, ձեռք բերված պայմանավորվածությունների համաձայն, Պեկինը երկու տարվա ընթացքում 200 միլիարդ դոլար արժեքով ձեռք կբերի ամերիկյան արտադրության ապրանքներ և ծառայություններ: Փոխարենը, Միացյալ Նահանգները կչեղարկի չինական ապրանքների նկատմամբ նախկինում կիրառված տուրքերը: Այնուամենայնիվ, ինչպես հայտարարել է Սպիտակ տան ղեկավարը, դա տեղի չի ունենա նախքան կողմերը կմշակեն և կստորագրեն առևտրային համաձայնագրի երկրորդ մասը: