Երևանի քաղաքապետ Հայկ Մարությանն այսօր՝ լրագրողների հետ ճեպազրույցի ժամանակ անդրադարձել է Երևանի որոշ հատվածներում սրճարանների և կրպակների ապամոնտաժման հարցին:

«Ամբողջ քաղաքում գործընթացը շարունակվում է: Գույքագրվում են կրպակները, որոնք ընդհանրապես թղթեր չունեն, և այդ կրպակները քիչ-քիչ հանվում են ամբողջ քաղաքից: Սրճարանների մասով` նույնպես. վերադարձվում են այգիների մասերը, եթե ոչ ամբողջ այգիների, ապա որոշ հատվածներ, որոնք զավթված են եղել ապօրինի ճանապարհով, վերադարձվում են: Գործընթացը լինելու է երկար, քանի որ քանակը շատ մեծ է: Մենք մեկ օրում դա չենք կարող անել»,- ասել է քաղաքապետը:

Մանրամասները` տեսանյութում: