2019 թվականին Չինաստանում ծնելիության մակարդակը միջին հաշվով կազմել է 10,48 երեխա՝ 1000 մարդու հաշվով, նշվում է երկրի վիճակագրության ազգային բյուրոյի հրապարակած զեկույցում: Ըստ ՄԱԿ-ի, սա բնակչության աճի ամենացածր ցուցանիշն է Չինաստանի համար՝ սկսած 1949թ-ից, երբ հիմադրվեց ՉԺՀ-ն։ Միջին հաշվով՝ 1950-ից մինչև 1955 թվականները Չինաստանում ծնելիության մակարդակն ավելի քան չորս անգամ բարձր էր և կազմում էր մոտ 42,5 երեխա՝ 1000 մարդու հաշվով: Բնակչության աճի տեմպերը Չինաստանում սկսեցին կտրուկ դանդաղել 1970-ականների վերջին, երբ երկրի իշխանությունները սկսեցին վարել «մեկ ընտանիք՝ մեկ երեխա» քաղաքականությունը` կանխելու համար բնակչության ավելորդ աճը: |