ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +5 °C ... +16 °C Վաղը`+20 °C
«Ըստ էության, կար խնդրի լուծման հնարավոր մի քանի տարբերակ». Արկադի Խաչատրյան
03:15, 19.01.2020 | mamul.am
5095 | 0

ԱԺ «Լուսավոր Հայաստան» խմբակցության պատգամավոր Արկադի Խաչատրյանը ֆեյսբուքյան իր էջում գրել է. «Այսօր ԶԼՄ-ներով ակտիվորեն շրջանառվում է գազի գնի հնարավոր բարձրացման լուրը:
Ակամայից հիշեցի անցած տարի մարտի 27-ին ԱԺ-ում կառավարության հետ հարց-պատասխանի ժամանակ իմ կողմից բարձրացված հարցը, թե ո՞վ է փակելու Հայաստան մատակարարվող գազի թանկացման հետևանքով առաջացող ֆինանսական ճեղքը:
Ըստ էության, կար խնդրի լուծման հնարավոր մի քանի տարբերակ՝
1) սակագնի բարձրացում (ինչը Վարչապետը բացառել էր);
2) պետության կողմից ճեղքի փակում (պետական պարտքի ձևավորում) (ինչը ևս Վարչապետը բացառել էր);
3) «Գազպրոմ Արմենիա»-յի ծախսերի կրճատում, ներքին ռեսուրսների օգտագործում (ինչը անհասկանալի էր այն առումով, որ եթե նման կրճատումների և ռեզերվների հնարավորություն կար, ինչու՞ մինչ այդ չէր նվազեցվում գազի գինը բնակչության համար) և վերջապես վերջին տարբերակ՝
4) գազի գնի բարձրացման հարցի ընդամենը հետաձգում, քաղաքական քայլ, ինչը երկար տևել բնականաբար չէր կարող:
Հետևությունները թողնում եմ Ձեզ»:

Կիսվի՛ր այս նյութով՝
դեպի վեր