Մեծ Բրիտանիայի արքայազն Հարին և նրա կինը՝ Մեգան Մարքլը, կդադարեն օգտագործել թագավորական տիտղոսները և չեն համարվի թագավորական ընտանիքի՝ պաշտոնական պարտականություններ կատարող անդամներ, այս մասին հայտարարություն է տարածել Բուքինգհեմյան պալատը: Նշվում է, որ կարգավիճակի փոփոխություններն ուժի մեջ կմտնեն գարնանը: Ավելի վաղ The Times-ը հայտնել էր, որ Մեծ Բրիտանիայի թագուհին հիասթափված է արքայազն Հարիի որոշումից՝ ֆինանսական արտոնություններից հրաժարվելու ու ինքնուրույն ապրելու վերաբերյալ: Ըստ պարբերականի՝ Սասեքսի դուքսը և դքսուհին չէին խորհրդակցել ոչ միայն թագուհու, այլև արքայազն Չարլզի հետ: |