Mamul.am
Ամբողջական տարբերակ
USD 482.38, EUR 540.89, RUB 7.05, GBP 607.22
+15 °C, +15 °C ... +28 °C Վաղը`+26 °C
Hay / Հայ | Рус | Eng | Tür
Սիրիայում ամերիկացի զինծառայողներն արգելափակել են ռուս զինծառայողների ճանապարհը
10:10, 20.01.2020

ԱՄՆ զինված ուժերը Սիրիայի հյուսիսարևելյան շրջանում գտնվող Ռումեյլան քաղաքի մոտակայքում` նավթահանքեր տանող ճանապարհին կանգնեցրել են ռուս զինվորականներին, հաղորդում է թուրքական Anadolu գործակալությունը՝ վկայակոչելով աղբյուրները: Գործակալության տվյալներով՝ դեպքը տեղի է ունեցել հունվարի 18-ին, քրդական զորամասերի կողմից վերահսկվող տարածքում: Ամերիկացի զինծառայողները խնդրել են ռուս զինծառայողներին վերադառնալ Ամուդայի շրջան, որը, ինչպես նավթահանքերը, գտնվում են Ալ-Հասաքա նահանգի հյուսիս-արևմուտքում:

Արդյունքում, ռուս զինվորականներն ստիպված են եղել վերադառնալ, քանի որ ամերիկացի զինվորները փակել են իրենց ճանապարհը: Գործակալությունը նշում է, որ ԱՄՆ ավիաբազան տեղակայված է Ռումիլանի շրջանում:
Դեկտեմբերին թուրքական ԶԼՄ-ները գրում էին, որ ԱՄՆ-ի զինված ուժերն ամրապնդում են դիրքերը Թուրքիայի և Իրաքի հետ Սիրիայի սահմանին, ինչպես նաև նավթահանքերի տարածքում: Ըստ Anadolu-ի՝ Ալ-Հասակում կան ԱՄՆ-ի հինգ հենակետ և ճանապարհային հենակետեր:

Տեղեկացրե՛ք Ձեր մտերիմներին
| |
դեպի վեր