Mamul.am
Ամբողջական տարբերակ
USD 493.10, EUR 536.59, RUB 6.66, GBP 612.97
+9 °C, 0 °C ... +12 °C Վաղը`+15 °C
Hay / Հայ | Рус | Eng | Tür
#Guardian-ը՝ ԴԱԻՇ ահաբեկչական խմբավորման նոր ղեկավարի մասին
14:25, 21.01.2020

«Իրաքի և Շամի իսլամական պետություն» կոչվող, այլ կերպ ասած «ԴԱԻՇ» ահաբեկչական խմբավորման նոր ղեկավար է նշանակվել Ամիր Մուհամմադ Աբդուլ Ռահման ալ-Մավլի ալ Սալբին, հայտնում է The Guardian-ը՝ վկայակոչելով հետախուզական ծառայության աղբյուրներին: Ըստ նրանց, Սալբին նշանակվել է կազմակերպության ղեկավար՝ Սիրիայում Աբու Բաքր ալ-Բաղդադի մահից մի քանի ժամ անց:

Հետախուզական տվյալների համաձայն, Սալբին «ԴԱԻՇ» ահաբեկչական խմբավորման հիմնադիրներից մեկն է, ով կանգնած էր բազմաթիվ հարձակումների և դիվերսիաների հետևում: Իրաքի Թալ Աֆար քաղաքում ծնված և ազգությամբ թուրքմենը՝ խմբի ղեկավարության կազմում այն եզակի մարդկանցից է, ով ազգությամբ արաբ չէ: Սալբին ստացել է Շարիաթի իրավունքի աստիճանը Մոսուլի համալսարանում և համարվում է «Իսլամական պետության» գլխավոր գաղափարախոսը: Նա նախաձեռնել էր սիրիացի և իրաքի քրիստոնյաների մահապատիժները:

2004-ին Սալբին ձերբակալվել է Իրաքում ԱՄՆ զինված ուժերի կողմից: Հենց բանտում նա ծանոթացել էր Բաղդադիի հետ։

Տեղեկացրե՛ք Ձեր մտերիմներին
| |
դեպի վեր