+24 °C, +14 °C ... +25 °C Վաղը`+25 °C
«Մենք դեմ ենք ցանկացած հանցավորության, բայց մի սկզբունք ենք պահում, որ մարդուն պետք է դատել կատարած արարքի համար: Դժվարանում եմ հասկանալ, թե ինչու է կառավարությունը գերակա հռչակել այս պայքարը, որովհետև սա ոչ թե հանցավորության դեմ պայքար է, այլ ինչ-որ անորոշ երևույթների: Գողական աշխարհ. այդ ի՞նչ հասկացություն է, ո՞վ կարա դրա սահմանն ընդգծի: Բայց լավ եք անում, որ պայքարում եք հանցավորության դեմ, մենակ մի հուշում. գողական բառի հետ 3 տառով բաղկացած հասկացություն կա, լավ կլինի, որ նաև դրա դեմ պայքարեք». հունվարի 21-ին ԱԺ նիստում «օրենքով գողերի» մասին նախագծի քննարկմանը հայտարարեց ԲՀԿ-ական պատգամավոր Գևորգ Պետրոսյանը: Հիշեցնենք, որ նախագծով առաջարկվում է փոփոխություններ կատարել քրեական և քրեադատավարական օրենսգրքերում և օրենսդրորեն, գործիքակազմերով պայքարել քրեական ենթամշակույթի դեմ: Գ. Պետրոսյանի ելույթը խայտառակ որակեց Արման Բաբաջանյանը: Նա ասաց. «Վախվորած ոստիկանությամբ չենք կարող պայքարել քրեական ենթամշակույթի դեմ: Ամեն ինչ պետք է անել, որ վեթինգն իրականանա, որպեսզի հանցագործների հետ ժամանակ անցկացնող քրեական դատարանի դատավոր չունենանք»: Բանավեճը վերածվեց քաշքշուկի՝ ԲՀԿ-ի ու իշխանական պատգամավորների միջև: ԱԺ նախագահ Արարատ Միրզոյանն էլ հորդորեց հանդուրժող լինել կարծիքների հանդեպ, այլապես կարող են գնալ և «բեսեդկաներում լռվել»:
Տեսանյութը` «Ազատության» |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am