Mamul.am
Ամբողջական տարբերակ
USD 496.58, EUR 539.43, RUB 6.56, GBP 612.23
+11 °C, 0 °C ... +12 °C Վաղը`+15 °C
Hay / Հայ | Рус | Eng | Tür
Չինաստանում չորրորդ մարդն է մահացել նոր տիպի կորոնավիրուսից. ԱՀԿ-ն արտակարգ ժողով է հրավիրել
12:05, 21.01.2020

Չինաստանի Հուբեյ նահանգի Ուհան քաղաքում (Կենտրոնական Չինաստան) չորրորդ մարդն է մահացել նոր տիպի կորոնավիրուսից։

89-ամյա տղամարդու մոտ հիվանդության ախտանիշները հայտնվել են հունվարի 13-ին, իսկ հունվարի 18-ին նա հոսպիտալացվել է:
Նշվում է, որ հունվարի 19-ի կեսգիշերի դրությամբ գրանցվել է ընդհանուր առմամբ 219 վարակի դեպք, որից 198-ը՝ Ուհան քաղաքում, 25 մարդ ապաքինվել է և արդեն դուրս է գրվել հիվանդանոցներից:
Ներկայումս բուժում է ստանում ևս 169 մարդ, որոնցից 9-ը գտնվում են ծայրահեղ ծանր վիճակում, իսկ 35-ը՝ ծանր:
Առողջապահության համաշխարհային կազմակերպությունը (ԱՀԿ) հունվարի 22-ին արտակարգ հանձնաժողով կանցկացնի Ժնևում՝ Չինաստանում հայտնաբերված կորոնավիրուսի և լայնածավալ համաճարակի վտանգի պատճառով, ասվում է ԱՀԿ հաղորդագրության մեջ:
Նիստում կքննարկվի այն հարցը, թե հանդիսանում է արդյոք 2019-nCoV կորոնավիրուսի բռնկումը միջազգային մասշտաբով արտակարգ իրավիճակ։

Տեղեկացրե՛ք Ձեր մտերիմներին
| |
դեպի վեր