«Վե՛րջ տվեք, չե՛ն լինելու էդ սպանդանոցները, չե՛նք ուզում»,- հայտարարեցին Արարատի մարզի Մխչյան համայնքի բնակիչները, ովքեր առավոտից փակել են ճանապարհը: «Մի մարդու պես կայնանք վարչապետի կողքը՝ ավտոներով, Կամազներով եկանք, բայց ոտով հասանք Հրապարակ, խնդրեցինք՝ թողնի կով պահենք: Ոչ մեկը լուսամուտը չբացեց ասի՝ մեր հարիֆ գյուղացին ա տանջվող»,- դժգոհեց անասնաբույծը: Ավելի վաղ հայտնել էինք, որ գյուղացիները փակել են Երևան-Արարատ, Երևան-Արմավիր ճանապարհները՝ դժգոհելով հունվարի 15-ից ուժի մեջ մտած սպանդանոցային մորթի պարտադիր պայմանից: |