Mamul.am
Ամբողջական տարբերակ
USD 482.24, EUR 525.21, RUB 6.71, GBP 587.08
+14 °C, +12 °C ... +19 °C Վաղը`+22 °C
Hay / Հայ | Рус | Eng | Tür
Բելառուսը գտել է ռուսական նավթի այլընտրանքը
20:35, 21.01.2020

Բելառուսի նավթային ընկերությունը Նորվեգիայից գնել է 80 հազար տոննա նավթ, հայտնում է BelTA-ն՝ վկայակոչելով «Белнефтехим» կոնցեռնի մամուլի ծառայությանը:

«Բելառուսական նավթային ընկերությունը գնել է նորվեգական նավթի մի խմբաքանակ: Այն կազմում է մոտ 80 հազար տոննա, որը նախատեսված է «Нафтан»-ում վերամշակման համար»,- հայտնում է գործակալությունը:

«Нафтан»-ը Բելառուսի նավթավերամշակման գործարաններից մեկն է, որը գտնվում է Վիտեբսկի մարզում: Այն ապահովում է Ռուսաստանից եկող նավթի վերամշակումը և դրա հետագա արտահանումը ԵՄ երկրներ: Գործարանի արտադրանքի շուրջ 60%-ը արտահանվում է:

Ավելի վաղ Բելառուսը դիմել էր մի շարք եվրոպական երկրների՝ նավթի հնարավոր մատակարարման խնդրանքով: Բելառուսը դիտարկում էր նաև Ուկրաինայի, Ղազախստանի, Ադրբեջանի տարբերակները:

Տեղեկացրե՛ք Ձեր մտերիմներին
| |
դեպի վեր