Mamul.am
Ամբողջական տարբերակ
USD 502.97, EUR 543.86, RUB 6.56, GBP 618.25
+9 °C, +5 °C ... +15 °C Վաղը`+12 °C
Hay / Հայ | Рус | Eng | Tür
ԱՄՆ Սենատն արագացված կարգով կքննի Թրամփի իմպիչմենթի գործընթացը
18:35, 22.01.2020

ԱՄՆ Սենատը հաստատել է բանաձևը, որը թույլ կտա օրենսդիր մարմնի Վերին պալատին իմպիչմենթի գործընթացը քննել արագացված կարգով: Սենատում ինպիչմենթի լսումները հեռարձակվել են ուղիղ եթերով՝ ամերիկյան հեռարձակողների կողմից։

Ձայները բաշխվել են խիստ կուսակցական պատկանելիությամբ՝ 53 հանրապետական կողմ է քվեարկել, դեմ է արտահայտվել 47 դեմոկրատ:

Դատավարության ժամկետներն ու հաջորդականությունը կարգավորող նախաձեռնությամբ հանդես է եկել Սենատում հանրապետական մեծամասնության առաջնորդ Միչ Մակկոնելին (Կենտուկի նահանգ): Նա հայտարարել է, որ վճռական է հնարավորինս շուտ ավարտել իմպիչմենթի լսումների կարգը, ինչը կհանգեցնի Թրամփի արդարացմանը: Ենթադրվում է, որ Սենատում գործնականում կանխորոշված ավարտով այս գործընթացը կտևի մոտ երկու շաբաթ: Մակկոնելիի առաջարկը քննադատություն է ենթարկվել դեմոկրատների կողմից:
Համաձայն ավելի վաղ հրապարակված փաստաթղթի՝ հանրապետականները պլանավորում են փաստաբաններին տրամադրել երեք աշխատանքային օրվա ընթացքում յուրաքանչյուրը 24 ժամ՝ իրենց փաստարկները ներկայացնելու համար: Այնուհետև կողմերին տրամադրվում է 16 ժամ սենատորների հարցերին պատասխանելու համար: Այս գործընթացը չի սահմանափակվում միայն աշխատանքային օրերի քանակով:

Որից հետո պետք է տեղի ունենա քառօրյա բանավեճ, որի նպատակն է հասկանալ՝ արդյոք անհրաժե՞շտ է հրավիրել վկաներին լսումներին կամ պահանջել լրացուցիչ փաստաթղթեր: Եթե վկաներ չեն հրավիրվում, ապա վերին պալատը կքվեարկի երկու մեղադրանքներից յուրաքանչյուրի համար։ Դոնալդ Թրամփը մեղադրվում է իշխանությունը չարաշահելու և Կոնգրեսի աշխատանքներին խոչընդոտելու համար:

Տեղեկացրե՛ք Ձեր մտերիմներին
| |
դեպի վեր