Պատմաբան Ռուբեն Շուխյանը ֆեյսբուքյան իր էջում գրել է. «Լիտվայի նախագահը, ի համերաշխություն Լեհաստանի, Լատվիայի և Էստոնիայի նախագահների, նույնպես հրաժարվեց մասնակցել հունվարի 23-ին Երուսաղեմում կազմակերպվող Աուշվից-Օսվենցիմի համակենտրոնացման ճամբարի ազատագրման 75-ամյակի առթիվ կազմակերպվող ֆորումին: Այդ միջոցառումը կազմակերպել է Պուտինին շատ մոտ կանգնած ռուսաստանցի միլիարդատեր Մոյշե Կանտորը: Լեհաստանի նախագահին զրկեցին Երուսաղեմում իր խոսքն ասելու հնարավորությունից, քանի որ այնտեղ սպասվում է Պուտինի ելույթը: Լեհաստանի և Մերձբալթյան երկրների նախագահները կմասնակցեն Աուշվից-Օսվենցիմում (գտնվում է Լեհաստանում, Կրակով քաղաքից 60 կմ դեպի արևմուտք) հունվարի 27-ին կայանալիք միջոցառումներին, որտեղ իր հերթին ներկա չի լինելու Պուտինը»: |