Շվեյցարիայի Դավոս քաղաքում շարունակող տնտեսական համաշխարհային համաժողովի հակառակորդների ու ոստիկանության ուժերի միջև բախումներ են սկսվել: Նշվում է, որ անկարգությունները սկսվել են Դավոսի ֆորումի հակառակորդների ցույցի ժամանակ, որին մասնակցել է մի քանի հարյուր մարդ: Արմատական ցուցարարները գունավոր ծուխ են բաց թողել և շշեր նետել ոստիկանների ուղղությամբ: Իրավապահներն օգտագործել են արցունքաբեր գազ և ռետինե փամփուշտներ: Ձերբակալվել է երեք ցուցարար: Այրվածքներ ստացած ոստիկաններն ու անցորդները տեղափոխվել են հիվանդանոց: |