Google ընկերության փորձագետները հայտնաբերել են մի քանի խոցելիություններ Safari բրաուզերում, որը տեղադրվել է Apple համակարգիչներում, հեռախոսներում և պլանշետներում: Այս մասին գրում է բրիտանական Financial Times թերթը՝ հղում անելով խոցելիության վերաբերյալ զեկույցին, որը ներկա պահին կարգավորվել է և պատրաստ է հրապարակման Google-ի ամպային ծառայությունների մշակման թիմի կողմից:
Հրապարակման համաձայն` խոցելիությունը, որից կարող էին օգտվել կիբեր հանցագործները, հայտնաբերվել է Intelligent Tracking Prevention (ITP) կոդում, որն իրենից ներկայացնում է օգտատիրոջ կողմից այցելած կայքերի լրտեսման արգելափակման համակարգ: Apple-ն այս գործառույթը ներառել է բրաուզերում 2017-ին, մասնավորապես, օգտատիրոջ տվյալները պաշտպանելու համար, որից հետո նման գործիքներ հայտնվեցին այլ բրաուզերներում՝ ներառյալ Google Chrome-ում:

Այնուամենայնիվ, ինչպես պնդում են Google-ի փորձագետները, ITP-ի խոցելիությունը թույլ է տալիս հավանական հաքերներին տեղեկատվություն ստանալ օգտատիրոջ կողմից այցելած կայքեր և որոնման հարցումների արդյունքները: