Mamul.am
Ամբողջական տարբերակ
USD 478.37, EUR 516.69, RUB 7.50, GBP 617.34
+5 °C, 0 °C ... +6 °C Վաղը`+8 °C
Hay / Հայ | Рус | Eng | Tür
Հալչող սառույցներում անհայտ ծագմամբ վիրուսներ են հայտնաբերվել․ #ScienceAlert
19:50, 24.01.2020

ԱՄՆ-ի և Չինաստանի գիտնականների միջազգային խումբը հայտնաբերել է նոր վիրուսներ՝ 15 հազար տարեկան սառույցի նմուշներում: Հետազոտողները նախազգուշացնում են, որ կլիմայի փոփոխությունը, որի պատճառով սառցադաշտերը արագ հալչում են, կարող են նախկինում անհայտ վարակիչ ագենտներ ի հայտ բերել՝ շրջակա միջավայրում, հայտնում է Science Alert-ը:

Մասնագետները երկու սառցե միջուկների նմուշներ են հետազոտել՝ վերցված տիբեթական սառցադաշտից՝ 50 մետր հորատանցք բացելով։ Մանրէաբանական նմուշառումը և գենետիկական վերլուծությունը օգնել են հայտնաբերել վիրուսների 33 խմբեր, այդ թվում` 28 անհայտ վիրուս: Նրանցից 18-ը ներառում են Methylobacterium, Sphingomonas և Janthinobacterium մանրէները:

Ըստ գիտնականների, իրենց աշխատանքի արդյունքները նպաստում են սառույցի շերտերում միկրոօրգանիզմների և վիրուսների նմուշառման արդյունավետ մեթոդների մշակել: Առաջին անգամ մասնագետները պատկերացում են ստացել վիրուսների գենոմի մասին, որոնք ապրել են 520 և 15 հազար տարի առաջ:

Տեղեկացրե՛ք Ձեր մտերիմներին
| |
դեպի վեր