ՀՀ ոստիկանության պետի ժամանակավոր պաշտոնակատար, ոստիկանության գնդապետ Արման Սարգսյանի հրամաններով կադրային փոփոխություններ են տեղի ունեցել ոստիկանությունում։ Այդ մասին հայտնում է Գագիկ Շամշյանը: Ռաֆայել Պողոսյանն ազատվել է ոստիկանության Շենգավիթի բաժնի պետի պաշտոնից՝ ուղարկվելով ոստիկանության կադրերի ռեզերվ։ ՀՀ ոստիկանապետի ժամանակավոր պաշտոնակատարի մեկ այլ հրամանով՝ Արթուր Շմավոնյանը նշանակվել է ոստիկանության Շենգավիթի բաժնի պետ։ Իգոր Մեսրոպյանն ազատվել է ոստիկանության Արաբկիրի բաժնի պետի օպերգծով տեղակալի պաշտոնից և նշանակվել է ոստիկանության Մալաթիայի բաժնի պետ։ Ոստիկանության Մալաթիայի բաժնի պետ Արթուր Զոհրաբյանն ազատվել է այդ պաշտոնից և նշանակվել ոստիկանության Արմավիրի մարզային վարչության պետի օպերգծով տեղակալ։ Արմեն Գասպարյանն ազատվել է ոստիկանության Արմավիրի մարզային վարչության պետի օպերգծով տեղակալի պաշտոնից և ուղարկվել ոստիկանության կադրերի ռեզերվ։ Մարտիրոսյանն ազատվել է ոստիկանության Վաղարշապատի բաժնի պետի պաշտոնից և նշանակվել ոստիկանության Նոր Նորքի բաժնի պետ։ Կարեն Բունիաթյանն ազատվել է ոստիկանության Նոր Նորքի բաժնի պետի պաշտոնից և նշանակվել ոստիկանության Քանաքեռ-Զեյթունի բաժնի պետ։ Իսկ Քանաքեռ-Զեյթունի բաժնի պետ Ռուբեն Նավասարդյանն ուղարկվել է ոստիկանության կադրերի ռեզերվ։ Ոստիկանության կադրերի ռեզերվ է ուղարկվել նաև ոստիկանության Էրեբունու բաժնի պետ Վարդան Վարդանյանը, իսկ նրա փոխարեն այդ պաշտոնին է նշանակվել Խորեն Բարխոյանը, որը մինչ այդ ոստիկանության Կոտայքի բաժնի պետն էր։ Ա. Սարգսյանի մեկ այլ հրամանով՝ Պավել Օրդյանն ազատվել է ոստիկանության Մաշտոցի բաժնի պետի պաշտոնից և նշանակվել ոստիկանության Վաղարշապատի բաժնի պետ։ Անդրանիկ Շահբազյանն ազատվել է ոստիկանության Մալաթիայի բաժնի պետի օպերգծով տեղակալի պաշտոնից և նշանակվել ոստիկանության Մաշտոցի բաժնի պետ։ |