Լրագրող Վարդ Սիմոնյանը ֆեյսբուքյան իր էջում գրել է. «Իսկ ինչո՞ւ հանրաքվե չանել և չպարզել, թե հասարակության քանի տոկոսը վստահության քվե կտա մեկին․
․ով պետության Աստվածաշունչը՝ Սահմանադրությունը, ջնջել և վերաշարադրել է մեկ քաղաքական աղանդի կապրիզները։
․ով հանդգնել է խաղալ առանցքային պետական ինստիտուտի լեգիտիմության և արժանապատվության հետ։
․ով պատրաստ է ՍԴ-ում ցմահ բանտարկվել, պատանդ մնալ, ուտել դեմքին հորդացող համատարած թուքումուրը, սեփական պետությունը խայտառակ անել միջազգային ատյաններում, միայն պահի հակահեղափոխության վերջին Բաստիոնը։
Եվ բավական է մանիպուլացնել հանրությանը, եթե իրավական գործիքները սպառված են՝ անցկացրեք հանրաքվե․ որևէ արտի ցորեն չի կարող հավակնել այս կարևորագույն պաշտոնին, եթե հասարակությունը նրան չի վստահում»: