Mamul.am
Ամբողջական տարբերակ
USD 478.37, EUR 516.69, RUB 7.50, GBP 617.34
+5 °C, 0 °C ... +6 °C Վաղը`+8 °C
Hay / Հայ | Рус | Eng | Tür
Իրաքում ամերիկյան ռազմակայանի հրթիռակոծման հետևանքով վիրավորվել է 34 զինվորական․ Պենտագոն
17:35, 25.01.2020

Հունվարի 8-ին Արևմտյան Իրաքում տեղակայված «Այն ալ Ասադ» ամերիկյան ռազմակայանի հրթիռակոծության հետևանքով վիրավորվել է առնվազն 34 մարդ։ Այս մասին ուրբաթ լրագրողների հետ ճեպազրույցում հայտարարել է Պենտագոնի խոսնակ Ջոնաթան Հոֆմանը:
«Ընդհանուր առմամբ 34 զինծառայողի մոտ ախտորոշվել են գլխուղեղի վնասվածքներ: Նախկինում Գերմանիա տեղափոխված ութ զինծառայողներ վերադարձել են Միացյալ Նահանգներ: Քուվեյթ ուղարկված մեկ զինծառայող վերադարձել է Իրաք»,- հայտարարել է Հոֆմանը:

Ըստ Հոֆմանի, մյուս 16 վիրավոր զինվորականներն արդեն վերադարձել են իրենց պարտականություններին: «Անցած երկու շաբաթվա ընթացքում մենք տեսանք Իրաքում, Քուվեյթում և Գերմանիայում բժիշկների ջանքերը՝ ախտորոշելու և բուժելու բոլոր զինվորականներին, ովքեր դրա կարիքն ունեն»,- հավելել է Հոֆմանը:

Տեղեկացրե՛ք Ձեր մտերիմներին
| |
դեպի վեր