+19 °C, +14 °C ... +27 °C Վաղը`+28 °C
Հայաստանում քրեական նոր գործ է հարուցվել ռուսական ORSIS ռազմարդյունաբերական ընկերության շահերը ներկայացնող փաստաբանի գործունեությանը ՀՀ ՊՆ կողմից խոչընդոտելու փաստով, հայտնում է РИА Новости-ն՝ վկայակոչելով սեփական աղբյուրը։ Ըստ գործակալության` նոր գործը Հայաստանի Հանրապետության քննչական կոմիտեն հարուցել է ոչ թե բուն գործընթացի վերաբերյալ, այլ ՀՀ ՊՆ բարձրաստիճան ներկայացուցչի կողմից արժեքավոր նվեր տալու, այդ նույն անձի կողմից ORSIS-ը ներկայացնող փաստաբանի՝ ՀՀ-ում գործունեություն ծավալումը խոչընդոտելու փաստերով: ՀՀ Հատուկ քննչական ծառայության մամուլի խոսնակ Մարինա Օհանջանյանը РИА Новости-ի հետ զրույցում հաստատել է նոր քրգործ հարուցելու փաստը՝ առանց մանրամասներ ներկայացնելու: Հիշեցնենք` 2019թ-ի մայիսին ՀՀ ՊՆ-ն հայտարարել էր տենդեր՝ մի քանի միլիոն դոլար արժողության զենք-զինամթերք մատակարարելու վերաբերյալ։ Ռուսական ORSIS ընկերությունը հայտ էր ներկայացրել, սակայն տենդերը շուտով փակվել է՝ ընկերության համար անհայտ պատճառով։ Դրանից հետո ռուսական ընկերությունը դիմել է բողոքարկման հանձնաժողովին և Հայաստանում իրենց շահերը ներկայացնող փաստաբանին, հարուցվել էր քրեական գործ՝ ՀՀ քրեական օրենսգրքի «ծառայության նկատմամբ անփույթ վերաբերմունք» հոդվածով։ Նշենք, որ ORSIS ընկերությունը «Промтехнологии» խմբի մի մասն է, և արդեն մի քանի տարի է՝ ՀՀ-ին զենք, զինամթերք և ռազմական օպտիկական միջոցներ է մատակարարում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am