Առնվազն 200 մարդ է վարակվել նորովիրուսով, երբ ԱՄՆ Լուիզիանա նահանգի Լեյք Չարլզ քաղաքի խաղատներից մեկն են այցելել: Այս մասին հաղորդել է ամերիկյան WVUE հեռուստաալիքը։ Դրա համաձայն՝ վարակի դեպքերը տեղի են ունեցել նախորդ շաբաթ L'Auberge խաղատանը: Նահանգի առողջապահության հարցով ղեկավար Լեյսի Կավանոն հայտարարել է, որ վիրուսը շատ վարակիչ է: «Այս պահին կարևոր չէ, թե ինչպես է այն սկսվել»,- հայտարարել է նա: Նորովիրուսն առաջացնում է սուր աղիքային վարակ, որը երբեմն անվանում են աղիքային կամ ստամոքսային գրիպ: Վիրուսով կարելի է վարակվել ուտելիս ու խմելիս, ինչպես նաև կենցաղային իրերի, սպասքի միջոցով։ |