Մյունխենյան անվտանգության համաժողովում Ղարաբաղյան հարցի քննարկման ժամանակ, ՀՀ վարչապետ Նիկոլ Փաշինյանը հայտարարեց, որ հազարավոր մարդիկ են զոհվել հակամարտության պատճառով՝ և՛ հայ, և՛ ադրբեջանցի։ «Այսօր Հայաստանի ու Ադրբեջանի սահմանին՝ Տավուշ-Ղազախ ուղղությամբ, թշնամու դիպուկահարի գնդակից վիրավորվել է ՀՀ զինծառայող»,- ասաց Փաշինյանն ու կոչով դիմեց Ալիևին. «Դադարեցրե՛ք այս պրոցեսը»: Ալիևը նշեց, որ շփման գծում ադրբեջանցի զինվոր է զոհվել։ Հիշեցնենք՝ ՀՀ վարչապետ Նիկոլ Փաշինյանը պաշտոնական այցով մեկնել էր Գերմանիա՝ մասնակցելու Մյունխենի անվտանգության համաժողովին: |