+13 °C, +13 °C ... +26 °C Վաղը`+27 °C
Գիտեմ մի բան, որ ամեն ինչ ծռվել է, իսկ շտկող չկա, որովհետև ոչ ոք իր տեղում չի: Ամեն մարդ պետք է զբաղվի իր գործով: Լևոն Շարաֆյան Այսօր Թատրոնի ու կինոյի հայ դերասան, ՀԽՍՀ վաստակավոր արտիստ Լևոն Շարաֆյանի 73-րդ տարեդարձն է: Իր կարիերայի ընթացքում նա նկարահանվել է 26 ֆիլմերում և սերիալներում, հանդես եկել 11 ներկայացումներում: 1965-1970 թթ. սովորել է Երևանի գեղարվեստա-թատերական ինստիտուտի դերասանական և ռեժիսորական բաժիններում։ 1970-1972 թվականներին աշխատել է Կիրովականի Աբելյանի անվան պետական թատրոնում։ Բեմադրել է Ուստնովի և Տաբակովի «Ձյունանուշիկն ու 7 թզուկները», Պապայանի «Երևանյան վարդեր», Ֆրանկի «Շրջադարձ» պիեսները։ 1972-2001 թթ. եղել է Երևանի Հրաչյա Ղափլանյանի անվան դրամատիկական թատրոնի դերասան։ 2001 թվականից բնակվում է ԱՄՆ-ի Լոս Անջելես քաղաքում։ 2016 թվականից Հայաստանի ազգային մշակութային հեռուստաընկերության մրցանակաբաշխության մասնագիտական ժյուրիի անդամ է։ Թատրոնում կատարած դերերից են՝ «Համլետ»` Պոլոնիուս, «Ռոﬔո և Ջուլետ»` Կապուլետ, «Ռիչարդ 3-րդ»` Հաստինգս, «Հուլիոս Կեսար»` Անտոնիուս, «Հիսուս Նազովրեցի»` Կայափա, «Մեծապատիվ մուրացկաններ»` Մանուկ աղա... Նկարահանվել է հետևյալ ֆիլմերում՝ «Հեղկոﬕ նախագահը», «Որտե՞ղ էիր, մարդ աստծո», «Մենավոր ընկուզենի», «Կարոտ», «Կյանքի լավագույն կեսը», «Շնչառություն», «Քանի դեռ ապրում ենք…»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am