Ուկրաինային հարկավոր է 50 տարի ժամանակ և 100 մլրդ դոլարի ներդրում՝ Բելառուսին կամ Սլովակիային հասնելու ու տեխնոլոգիական հետամնացությունը լրացնելու համար: Այս մասին հայտարարել է Ուկրաինայի տնտեսական զարգացման, առևտրի և գյուղատնտեսության նախարար Տիմոֆեյ Միլովանովը՝ ներկայացնելով կառավարության պատրաստած ռազմավարությունը՝ տնտեսական աճ ապահովելու համար: Նա համեմատել է հիմնական ֆոնդերի միջոցների մաշվածության աստիճանն Ուկրաինայում և հարևան որոշ երկրներում: «Սլովակիան ունի 35%, Բելառուսը` 38%, Մոլդովան` 42%, Ուկրաինան` 62%: Որպեսզի հասնենք Բելառուսին կամ Սլովակիային, մեզ անհրաժեշտ է 50 տարի ժամկետ և 100 միլիարդ դոլարի ներդրում»,- հայտարարել է նախարարը, մեջբերում է ուկրաինական «Экономическая правда» հրապարակումը: |