Թուրքիայի Անկարա քաղաքի Օրթաքյոյ գերեզմանատանը մի խումբ դեռահասներ պղծել են ռուսների գերեզմանները։ Նրանք կոտրել են մի քանի տապանաքարեր, որոնց վրա գրված են եղել հանգուցյալ ռուսների անունները։ Հիշյալ գերեզմանատանն ամփոփված է 72 աճյուն։ Գերեզմանատան անվտանգության աշխատակիցները հայտնաբերել և բերման են ենթարկել գերեզմանատունը պղծած անձանց, որոնք, պարզվել է, դեռահասներ են, տեղեկացնում է Ermenihaber-ը: Որոշ ժամանակ անց թուրքական ոստիկանությունը նրանց ազատ է արձակել։ Մեղավորներին պարտավորեցրել են փոխհատուցել պատճառած նյութական վնասը։ |