Ռոբերտ Քոչարյանի և մյուսների գործով փետրվարի 18-ի դատական նիստը հետաձգվեց դատական գործով թարգմանիչ Ծովինար Վարդանյանի բացակայության պատճառով: Թարգմանիչն իր չներկայանալու մասին դատարանին տեղեկացրել էր նիստի մեկնարկից քիչ առաջ: Հիշեցնենք, որ Ծ. Վարդանյանի ներկայությունն ապահովվում է ամբաստանյալ Յուրի Խաչատուրովի համար: Դատավոր Աննա Դանիբեկյանը հայտարարեց, որ դատական նիստը հետաձգվում է, քանի որ հնարավոր չէ ապահովել այլ թարգմանչի ներկայություն: Հաջորդ դատական նիստը տեղի կունենա փետրվարի 25-ին, ժամը 13-ին: |