Mamul.am
Ամբողջական տարբերակ
USD 499.37, EUR 543.06, RUB 6.62, GBP 614.92
+7 °C, +5 °C ... +9 °C Վաղը`+10 °C
Hay / Հայ | Рус | Eng | Tür
«ՍԴ-ի հարցը լուծելու ավելի լավ եղանակներ կային». Դանիել Իոաննիսյան
21:55, 18.02.2020

«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Քանի որ կարծիքիս տարընկալումներ կան, հստակեցնեմ.

1. Այո, ՍԴ-ի հարցը հանրաքվեով լուծելը լեգիտիմ ու ողջունելի է: Չկա ժողովրդից բարձր իշխանություն:

2. Առանց ՍԴ-ի եզրակացության հարցը հանրաքվեի դնելը բխում է Սահմանադրության տրամաբանությունից (թեև հակասում է դրա որոշ կարգավորումներին) և չկար այլ ողջամիտ տարբերակ:

3. Այո, ՍԴ-ի հարցը լուծելու ավելի լավ եղանակներ կային, որոնք սակայն իշխանությունը ժամանակին բաց թողեց, քանզի պարզապես անփորձ էր:

4. Հանրաքվեն պետք է բավարարի ամենաբարձր ստանդարտներին և անթույլատրելի է նախընտրական քարոզչության որևէ կողմի նկատմամբ ատելության տարածումը:

5. Քաղաքացիական հասարակությունը պետք է լինի առավելագույնս բծախնդիր խախտումների նկատմամբ՝ հանրաքվեի արդյունքների որևէ շահարկման բացառման համար»:

Տեղեկացրե՛ք Ձեր մտերիմներին
| |
դեպի վեր