Համացանցի ռուսական ու հայկական տիրույթում բուռն քննարկումների ու քննադատությունների տեղիք է տվել մի տեսանյութ, որում իրեն հայազգի համարող երիտասարդը ռուսերենով հայհոյում ու վիրավորում է իր ռուս ընկերոջ հետ սրճարանում նստած հայուհուն: AspeT անունը կրող շարժման մասնակից տղամարդն աղջկան աղբ է անվանում՝ օտարազգու հետ շփվելու համար: Աղջիկն արդարանում է, որ ինքը կիսով չափ է հայ, իր հայրը հայ է, սակայն մայրը ռուս է: Սակայն սա բնավ չի մեղմում երիտասարդի զայրույթն, ով սեղանի վրայի առարկաները նետում է վիրավորանքից լացակումած աղջկա վրա: |