ԿԸՀ-ի նախագահ Տիգրան Մուկուչյանը «Երկիր մեդիա»-ի եթերում անդրադարձել է իր հանդեպ Նիկոլ Փաշինյանի երբեմնի վերաբերմունքին: Հիշեցնենք, որ 2013 թվականին պատգամավոր Նիկոլ Փաշինյանը անեկդոտ էր պատմել Մուկուչյանի մասին, որին ԿԸՀ-ի նախագահը արձագանքել էր՝ «Դեռ հեռու է մինչև մարդը իր ճամփան» հայտնի խոսքով: «Ես, անկեղծ ասած, զարմանում եմ, որ փոխանակ պրոֆեսիոնալ աշխատանքին անդրադառնալու, փորձ է կատարվում անընդհատ ինչ-որ նյութեր գտնել և դրանցից ստեղծել անհասկանալին: Դա ընդամենն աշխատանքային մեջադեպ ա ու վերջ: Այդտեղ որևէ բան փնտրելը, ես կարծում եմ, ճիշտ չէ»,- այսօր՝ հարցազրույցի ժամանակ ասել է Մուկուչյանը: Մանրամասները՝ տեսանյութում: |