Կառավարությունը 3 միլիարդ 447 միլիոն դրամ հատկացրեց սահմանադրական փոփոխությունների հանրաքվեի կազմակերպմանը: Վարչապետը նկատեց, որ այս հարցում հնարավոր է շահարկումներ լինեն. «Այդ ծախսվող գումարը ներհոսելու է տնտեսություն, քանի որ տնտեսական գործարքներ են ի վերջո տեղի ունենալու և երկրորդը՝ ժողովրդի ազատ կամարտահայտությունն ապահովելու համար, այո, պետք է ծախսվեն գումարներ»,- ասաց Փաշինյանը: Հիշեցնենք՝ հանրաքվեն կանցկացվի 2020 թվականի ապրիլի 5-ին: |