+26 °C, +14 °C ... +26 °C Վաղը`+28 °C
Այսօր Տոկիոյից Օսակա ճանապարհը տևում է 2 ժամ 30 րոպե, սակայն ոչ այդքան հեռու ապագայում՝ 17 տարուց, այն կտևի ընդամենը 67 րոպե: Ճապոնական երկաթուղիները մշակում են երկաթգծային հաղորդակցության նոր պլաններ, որոնք կյանքի կկոչվեն Linear գնացքի շնորհիվ: Այն թափավազքն սկսում է անիվների վրա, այնուհետև, արագություն հավաքելուց հետո, ետ է քաշում անիվներն ու շարունակում ընթացքը՝ գետնից բարձր կախված մնալով մոտ 10 սմ: Շփման բացակայության պայմաններում գնացքը կարող է զարգացնել 500կմ/ժ արագություն: Նախագիծը կարժենա 50,5 միլիարդ դոլար, իսկ ենթակառուցվածքները կկառուցեն մինչև 2037 թվականը: Գնացքը մեծամասամբ կընթանա գետնի տակով՝ սեյսմիկ ակտիվ գոտիներից խուսափելու համար: Հավելենք, որ ճապոնական ճեպընթացներն այսօր ամենաարագներից են աշխարհում, դրանք զարգացնում են մինչև 320 կմ/ժ արագություն: Հատկանշական է, որ ճեպընթացների շահագործման 50 տարիների ընթացքում տեղի չի ունեցել որևէ վթար կամ միջադեպ, որը կհանգեցներ ուղևորի մահվան կամ վիրավորման: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am