ՀՀ վարչապետ Նիկոլ Փաշինյանն այսօր Հանրային հեռուստաընկերության եթերում խոսել է ՍԴ-ի շուրջ ստեղծված իրավիճակի և նախատեսվող սահմանադրական հանրաքվեի մասին:

Հարցին, թե Քոչարյանի դատավարության մասով հնարավո՞ր է, որ ՍԴ-ն մի որոշում ընդունի, որը իշխանությանն այնքան էլ հաճելի չի լինի, քանի որ շատ են իշխանության հասցեին մեղադրանքները, թե հենց այս նպատակով է փոխվում ՍԴ կազմը, վարչապետը պատասխանել է. «Ես վարչապետ ընտրվեցի և հրապարակավ հայտարարեցի, որ ընդհանրապես չեմ միջամտելու դատական իշխանության գործունեությանը և հրաժարվում եմ կառավարության կողմից հրահանգներ տալ դատական իշխանությանը և այդ պրոցեսում հետագայում տեսանք այն երևույթը, որ հանրությունը դատական իշխանության կայացրած որոշումների պատասխանատվությունը շարունակում է դնել կառավարության վրա: Ինչո՞ւ է այդպես. որովհետև կա տոտալ անվստահություն դատական համակարգի նկատմամբ: Մենք ասում ենք՝ եկեք ձևավորենք անկախ դատական համակարգ, որ երբ որ սահմանադրական դատարանը, առաջին ատյանինը կամ մյուսը ինչ-որ բան որոշի, մենք չսկսենք քննարկել՝ սա ում ազդեցությունն է»,-ասել է Նիկոլ Փաշինյանը:

Մանրամասները՝ տեսանյութում: