ԱՄՆ հետախուզության աշխատակիցները նախազգուշացրել են Կոնգրեսի Ներկայացուցիչների պալատին, որ Ռուսաստանն սկսել է միջամտել 2020 թվականի ընտրություններին, որպեսզի գործող նախագահ Դոնալդ Թրամփը վերընտրվի: Այդ մասին հայտնում է The New York Times-ը՝ վկայակոչելով ներկայացված զեկույցին ծանոթ հինգ անձանց: Հետախուզությունը կարծում է, որ Մոսկվայի նպատակն է խարխլել վստահությունն ԱՄՆ ընտրական համակարգի նկատմամբ: Ըստ թերթի, Ռուսաստանը միջամտելու է դեմոկրատների փրայմերիզներին (ԱՄՆ-ում՝ ընտրողների սկզբնական ժողովը՝ ընտրական պաշտոններում թեկնածուների առաջադրման համար), ինչպես նաև ընտրությունների ընդհանուր ընթացքին: Այժմ Ռուսաստանի հատուկ ծառայությունները փորձում են «ստիպել ամերիկացիներին» ապատեղեկատվություն տարածել այնպես, որպեսզի շրջանցեն կեղծ հաղորդագրություններն արգելող սոցիալական ցանցերի մեխանիզմները: Ռուս հաքերները պլանավորում են նաև կիբերհարձակումներ, որոնք նկերկայացվեն որպես Թեհրանի կողմից իրականացված հարձակումներ: |